կարևոր
1475 դիտում, 2 տարի առաջ - 2020-04-17 23:17

Ուհանում կորոնավիրուսով վարակվածների և մահերի թիվն ավելացել է՝ վերահաշվարկի արդյունքում․ (ՏԵՍԱՆՅՈւԹ)

Անկում է ապրում աշխարհի երկրորդ խոշորագույն տնտեսությունը: Այս տարվա առաջին եռամսյակում Չինաստանի տնտեսությունը անկում է ապրել մոտ 7 տոկոսով:

Վերջին 3 տասնամյակում Չինաստանը նման բացասական ցուցանիշ առաջին անգամ է գրանցում: Չինաստանն այսօր աշխարհի ուշադրության կենտրոնում է հայտնվել նաեւ մեկ այլ վիճակագրությամբ:

Ավելացել են այդ երկրում կորոնավիրուսով վարակվածների, նաեւ մահացածների թվերը՝ Ուհան քաղաքում տեղի ունեցած վերահաշվարկի արդյունքում: Ուհանի իշխանությունները պնդում են, որ համաճարակի սկզբնական փուլում որոշ հաշվարկներ ուշացումով են ներկայացվել, որոշ տեղեկություններ բաց են թողնվել: Ամեն դեպքում, սա ավելի է ամրապնդել Արեւմուտքի այն կասկածները, թե Չինաստանը թաքցնում է կորոնավիրուսի իրական վիճակագրությունը:

Մանրամասները՝ Մարինե Մելիքսեթյանի տեսանյութում։