կարևոր
1435 դիտում, 2 տարի առաջ - 2020-04-17 19:30

Լեռնային Ղարաբաղի հակամարտության կարգավորման աշխատանքները շարունակվում են՝ չնայած պանդեմիային․ Զախարովա

Լեռնային Ղարաբաղի հակամարտության կարգավորման աշխատանքները շարունակվում են՝ չնայած պանդեմիային․ Զախարովա

Լեռնային Ղարաբաղի հակամարտության կարգավորման շուրջ խորհրդակցությունները շարունակվում են՝ չնայած կորոնավիրուսի պանդեմիայի իրավիճակին։ Այս մասին ուրբաթ ճեպազրույցի ժամանակ հայտնել Է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է ТАСС-ը։

Դիվանագետը հիշեցրել է, որ կարգավորման հարցերը քննարկվել են ապրիլին՝ Ռուսաստանի արտաքին գործերի նախարար Սերգեյ Լավրովի եւ Հայաստանի եւ Ադրբեջանի ԱԳ նախարարներ Զոհրաբ Մնացականյանի եւ Էլմար Մամեդյարովի հեռախոսազրույցի ընթացքում:

«Կողմերի հետ կանոնավոր շփումներին աջակցում է ԵԱՀԿ Մինսկի խմբի համանախագահը (Ռուսաստան, Ֆրանսիա, ԱՄՆ), ինչպես նաև ԵԱՀԿ ղեկավարի անձնական ներկայացուցիչ դեսպան Անջեյ Կասպշիկը։ Ուշադրության կենտրոնում է նաև կորոնավիրուսային վարակի, բանակցային գործընթացի վրա դրա ազդեցության, ինչպես նաեւ Լեռնային Ղարաբաղի հակամարտության կարգավորման որոշ հարցեր: Քննարկվում է իրավիճակը շփման գծում և սահմանին»,- հավելել է նա։