կարևոր
1959 դիտում, 2 տարի առաջ - 2020-04-17 16:28

Ապրիլի 24-ին նույն ժամին կհնչեն բոլոր եկեղեցիների զանգերը, դռնփակ կմատուցվի Սուրբ Պատարագ

Ապրիլի 24-ին նույն ժամին կհնչեն բոլոր եկեղեցիների զանգերը, դռնփակ կմատուցվի Սուրբ Պատարագ

Հայոց Ցեղասպանության սուրբ նահատակների հիշատակության օրը՝ ապրիլի 24-ին, ժամը 10։30-ին, Մայր Աթոռ Սուրբ Էջմիածնում և Հայաստանյայց Առաքելական Սուրբ Եկեղեցու բոլոր տաճարներում դռնփակ կմատուցվի Սուրբ Պատարագ, որի ավարտին կկատարվի Հայոց Ցեղասպանության սուրբ նահատակների բարեխոսական կարգ:

Նույն օրը ժամը 12։00-ին կհնչեն բոլոր եկեղեցիների զանգերը՝ ի ոգեկոչումն Հայոց Ցեղասպանության զոհերի հիշատակի։

«Մայր Աթոռ Սուրբ Էջմիածինը հրավիրում է մեր ժողովրդի զավակներին՝ համավարակի այս դժվարին պայմաններում, նվիրական այս օրը իրենց տներում աղոթակից լինել հոգևոր դասին և միաբան ու միասիրտ հայցել մեր սուրբ նահատակների բարեխոսությունը առ Աստված՝ աշխարհասփյուռ մեր ժողովրդի առողջ ու անվտանգ կյանքի և մեր հայրենիքի խաղաղության ու բարօրության համար»,- ասված է Մայր Աթոռի տեղեկատվական համակարգի տարածած ծանուցման մեջ։