կարևոր
1153 դիտում, 2 տարի առաջ - 2020-04-17 13:51

ԱԻՆ-ը ՄԱԿ-ի հետ համատեղ մարզերի տարեցներին բաժանել է ծանրոցներ

ԱԻՆ-ը ՄԱԿ-ի հետ համատեղ մարզերի տարեցներին բաժանել է ծանրոցներ

ՀՀ արտակարգ իրավիճակների նախարարությունը արտակարգ դրության պայմաններում ակտիվ համագործակցում է Միավորված ազգերի կազմակերպության հետ։ Այս մասին մամուլի ասուլիսին ասաց ՀՀ արտակարգ իրավիճկաների նախարարի տեղակալ Արմեն Հարությունյանը։

«Մենք սերտ համագործակցում ենք միջազգային կառույցների հետ: ՄԱԿ-ի զարգացման ծրագրի հետ համատեղ օրերս մարզային համայնքների տարեց բնակիչներին բաժանել ենք ծանրոցներ, որտեղ եղել են առաջին անհրաժեշտության սնունդ և անհատական պաշտպանիչ միջոցներ»,- նշեց Հարությունյանը։

Հայաստանի կառավարությունն ապրիլի 14-ին կայացած արտահերթ նիստում ընդունեց hանրապետությունում 2020 թվականի մարտի 16-ին հայտարարված արտակարգ դրության ժամկետը 2020 թվականի ապրիլի 14-ի ժամը 17:00-ից` 30 օրով՝ մինչև 2020 թվականի մայիսի 14-ը ժամը 17:00-ն երկարաձգելու որոշում։ Երկրում գործում է խիստ սահմանափակումների ռեժիմ: