Սպանություն՝ Երևանում. Նոր Արեշում սեփական տանը հայտնաբերվել է 62–ամյա տղամարդու դի

Այսօր՝ ապրիլի 16-ին, սպանություն է տեղի ունեցել Երևանում: Ժամը 16:00-ի սահմաններում ոստիկանութան Էրեբունու բաժին ահազանգ է ստացվել, որ Նոր Արեշ 26 փողոցի 64 տանը բերանքսիվայր տղամարդու դի կա:

Ինչպես հայտնում է Shamshyan.com-ը, ոստիկաններն ու քննիչները նշված տանը հայտնաբերել են նշված տան բնակիչ, 62-ամյա Արամայիս Ա.-ի դին: Այս պահին դեպքի վայրում աշխատում են ոստիկանության փորձաքրեագիտական վարչության փորձաքրեագետները:

Փաստի առթիվ նյութեր են նախապատրաստվում: Հաշվի առնելով հանցագործության վտանգավարության աստիճանը, դեպքի վյար են ժամանել նաև Էրեբունի և Նուբարաշեն վարչական շրջանների դատախազության դատախազները: