կարևոր
1821 դիտում, 2 տարի առաջ - 2020-04-16 23:09

Վեհափառի դեմ ուղղված գործունեությունը որոշ հատված հովանավորում է․ Վլադիմիր Գասպարյան (տեսանյութ)

Այսօր ՀՀ նախկին ոստիկանապետ Վլադիմիր Գասպարյանը Tert.am-ի հետ զրույցում անդրադարձել է Ամենայն Հայոց Կաթողիկոսի դեմ արվող քննադատություններին, ասելով, որ եկեղեցին պարբերաբար թիրախավորվում է.

«Ես այստեղ տեսնում եմ տեխնոլոգիա: Վեհափառ Հայրապետը միջնորդություններ է արել այլ իրավիճակներում, նման ռեակցիաները ցույց է տալիս, որ եկեղեցու ու Վեհափառի դեմ ուղղված գործունեությունը ոչ միայն ինչ-որ կազմակեպությունների գործն է, այլ որոշ հատված հովանավորում և օգնում է  դրան: Ապրիլյան պատերազմը ցույց տվեց, ամբողջ ազգը միաբանվեց: Այ երբ ներսում է  պատերազմ, ներսում են սև, կանաչ, կարմիր, մոխրագույն, խայտաբղետ երևույթներ տեղի ունենում, երբ բաժանում են, որ դու ծնվել ես հինգշաբթի օրը, նա ուրբաթ օրը, որ դու հին ես, նա նոր է, և այլն․ երբ ներսում է բաժանումը, շատ դժվար է կանգնեցնել»:

Հարցին՝ նախկինում այդպես չէ՞ր, Վլադիմիր Գասպարյանն ասաց՝ վերահսկելի էր:

Դիտարկմանը, թե ընդդիմությունը հաճախ է նշում, որ դատավորների նկատմամբ ճնշումներ կան, քաղաքական գործիչները ևս ենթարկվում են ճնշումների և հարցին՝ նկատո՞ւմ է այդ ամենը, ատելության մթնոլորտը նկատելի՞ է, Վլադիմիր Գասպարյանն ասաց, որ այդ ատելության մթնոլորտը բոլոր տեղերում է․

«Ես չեմ ուզում մտածել, որ քաղաքականությունն է այդպիսին, քանզի լսում եմ, որ ասում են՝ սեր, հանդուրժողականության և այլն, քանի դեռ լսում եմ դա, ուզում եմ դրան հավատալ, բայց երբ համացանցային իրականությունից դուրս ես գալիս ու շփվում ես մարդկանց հետ, ուրիշ բաներ են խոսում»,-ասել է Գասպարյանը: