Ծանրամարտի միջազգային ֆեդերացիայի նախագահ Տամաշ Այանը հեռացել է զբաղեցրած պաշտոնից: Այս մասին գրում է ֆեդերացիայի մամուլի ծառայությունը:
Նախօրեին կայացել է Ծանրամարտի միջազգային ֆեդերացիայի առցանց հանդիպումը, որի ընթացքում ֆեդերացիայի գործկոմն ընդունել է Տամաշ Այանի հրաժարականը:
Ծանրամարտի միջազգային ֆեդերացիան շնորհակալություն է հայտնել 81-ամյա Այանին կատարած աշխատանքի համար:
Տամաշ Այանը ծանրամարտի միջազգային ֆեդերացիայի նախագահի պաշտոնին էր 2000 թվականից: