կարևոր
2717 դիտում, 2 տարի առաջ - 2020-04-16 13:11

Կորոնավիրուսի դեպք է հաստատվել խոշոր գործատուի մոտ

Կորոնավիրուսի դեպք է հաստատվել խոշոր գործատուի մոտ

Հայաստանում ապրիլի 15-ին կորոնավիրուսի դեպք է հաստատվել խոշոր գործատուի մոտ: Այս մասին կառավարության նիստում հայտարարել է Առողջապահության նախարար Արսեն Թորոսյանը: 

Նախարարը նշել է, որ գործատուն պահպանել է կանխարգելիչ բոլոր պայմանները և մինչ վարակված մարդը մուտք կգործեր արտադրության տարածք՝ նրան ջերմաչափում է կատարվել, որից հետո թեստը դրական պատասխան է ցույց տվել:

Վարչապետ Նիկոլ Փաշինյանն էլ կարևորել է բոլոր ձեռնարկություններում կաննոների պահպանումն ու այդ ուղղությամբ նաև պետության կողմից ցուցաբերվող օժանդակությունը, որպեսզի հնարավոր բոլոր դեպքերը կանխարգելվեն:

Հայաստանի կառավարությունն ապրիլի 14-ին կայացած արտահերթ նիստում ընդունեց hանրապետությունում 2020 թվականի մարտի 16-ին հայտարարված արտակարգ դրության ժամկետը 2020 թվականի ապրիլի 14-ից ժամը 17:00-ից` 30 օրով՝ մինչև 2020 թվականի մայիսի 14-ը ժամը 17:00-ն երկարաձգելու որոշում։ Երկրում գործում է խիստ սահմանափակումների ռեժիմ: