1823 դիտում, 1 տարի առաջ - 2020-04-15 12:09

8-րդ միջոցառման շահառուների ցանկում են ներառվել նաև տուժած ոլորտների գործատուների՝ մինչև 3 տարեկան երեխայի խնամքի արձակուրդում գտնվող վարձու աշխատողները

8-րդ միջոցառման շահառուների ցանկում են ներառվել նաև տուժած ոլորտների գործատուների՝ մինչև 3 տարեկան երեխայի խնամքի արձակուրդում գտնվող վարձու աշխատողները

ՀՀ աշխատանքի և սոցիալական հարցերի նախարար Զարուհի Բաթոյանը գրում է․

«Հարգելի քաղաքացիներ,
տեղեկացնում եմ, որ կորոնավիրուսի տնտեսական հետևանքների չեզոքացման 8-րդ միջոցառման շահառուների ցանկում կարող են ներառվել նաև տուժած ոլորտների գործատուների՝ մինչև 3 տարեկան երեխայի խնամքի արձակուրդում գտնվող վարձու աշխատողները (միջոցառման բոլոր պայմաններին համապատասխանելու պարագայում)։

Հիշեցնում եմ, որ տուժած ոլորտների ցանկում ներառված են ՝

✅ Հյուրանոցային և հյուրատնային ծառայություններ,
✅ Հանրային սննդի ծառայություններ,
✅ Զբոսաշրջային ծառայություններ,
✅ Վարսավիրանոցների և գեղեցկության սրահների ծառայություններ,
✅ Մանրածախ առևտրի ծառայություններ, այդ թվում՝ առևտրի կենտրոնում կամ առևտրի իրականացման վայրում առք ու վաճառքի գործունեություն,

Տուժած չեն համարվում այն մանրածախ առևտրի ծառայությունները, որոնց շրջանակներում վաճառվում է նաև սննդամթերք, ծխախոտ, ալկոհոլային խմիչքներ կամ դեղորայք՝ անկախ դրանց քանակից::

8-րդ միջոցառման մանրամասներին
կարող եք ծանոթանալ այստեղ՝ bit.ly/34CJMDP

8-րդ միջոցառման շահառու դառնալու համար կարող եք դիմում մուտքագրել այստեղ՝ bit.ly/2XA04fm »։