կարևոր
1926 դիտում, 2 տարի առաջ - 2020-04-14 23:23

ԱՀ որոշ համայնքներում սահմանվել է անձանց ազատ տեղաշարժի իրավունքի նկատմամբ ժամանակավոր սահմանափակումներ

«Արտակարգ իրավիճակի իրավական ռեժիմով պայմանավորված անձանց ազատ տեղաշարժի իրավունքի նկատմամբ կիրառվող ժամանակավոր սահմանափակումների վերաբերյալ» Արցախի Հանրապետության Պարետի N 5 որոշման համաձայն՝ ներքոնշյալ համայնքներում սահմանվում է անձանց ազատ տեղաշարժի իրավունքի նկատմամբ ժամանակավոր սահմանափակումներ՝ հաշվի առնելով նշյալ համայնքներում ինքնամեկուսացված քաղաքացիների փաստը: Այս մասին հայտնում են Արցախի տեղեկատվական շտաբից։

«Քաշաթաղի շրջանի Միրիկ, Մոշաթաղ, Ծիծեռնավանք համայնքներում և Շահումյանի շրջանի Քարվաճառ քաղաքում բնակիչների ինքնամեկուսացման և մեկուսացման գործընթացը սկսել էր Միրիկ, ապա՝ Քարվաճառ քաղաքում, նոր կորոնավիրուսի դեպքերի արձանագրված միջադեպերից հետո:

Մարտակերտի շրջանի Վերին Հոռաթաղ, Հաթերք, Կոճողոտ համայնքներում կորոնավիրուսային վարակի դեպք չի արձանագրվել:

Հարկ ենք համարում տեղեկացնել, որ վերոնշյալ համայնքներում մինչ այդ ինքնամեկուսացված քաղաքացիները Քարվաճառում գրանցված վարակման երկու դեպքի հետ շփման առաջին և երկրորդ խմբի շրջանակներից են»,-նշված է հայտարարությունում։