Ոստիկանության Մաշտոցի բաժնի ծառայողներն, իրացնելով օպերատիվ տվյալները, Հալաբյան փողոցից, թմրանյութ պահելու և օգտագործելու կասկածանքով ոստիկանություն բերման են ենթարկել Արարատի մարզի մի բնակչուհու։
Նրա անձնական խուզարկությամբ հայտնաբերվել է 10 գրամից ավելի դեղնականաչավուն զանգված։
Ինչպես տեղեկացնում են ՀՀ ոստիկանության հասարակայնության հետ կապերի և լրատվության վարչությունից, ըստ կնոջ հայտնածի՝ հայտնաբերվածը մարիխուանա է, պահել է իր օգտագործման համար։
Նշանակվել է փորձաքննություն։ Նախապատրաստվում են նյութեր։