ուղիղ եթեր փակել
Այս պահին Երևանում
+25°
ощущаетվя как +23°C
բաց երկինք
5 մ/վ քամու ուժգնություն
արևածագ: 05:36
29.06.2022
USD 408.31 -0.08
GBP 496.42 -3.37
EUR 429.75 -2.20
GEL 139.35 +0.32
RUB 7.83 +0.11

Վերջին ավելացված հաղորդումներ

Ամենադիտվածներ

կարևոր
1770 դիտում, 2 տարի առաջ - 2020-04-14 16:53

Հայաստանում գրանցված և Աֆրիկայում թռիչքներ իրականացնող միակ ավիաընկերությունը փակման վտանգի տակ է

Հայաստանում գրանցված և Աֆրիկայում թռիչքներ իրականացնող միակ ավիաընկերությունը փակման վտանգի տակ է

«Մարս ավիա» ընկերությունը փակման վտանգի տակ է: Քաղավիացիայի կոմիտեի կողմից ստուգումների ընթացքում հայտնաբերված թերությունները չվերացնելու դեպքում այն կփակվի մայիսի 1-ից: Այս մասին տեսակապով ասուլիսում հայտնել է Քաղավիացիայի կոմիտեի՝ արձակուրդում գտնվող ղեկավար Տաթևիկ Ռևազյանը՝ անդրադառնալով ԵՄ թռիչքային անվտանգության գործակալության կողմից ՀՀ քաղավիացիայի կոմիտեում նկատած խնդիրներին ու դրանց լուծման ուղղությամբ տարվող աշխատանքներին: 

Ռևազյանը վստահեցրել է, որ խնդիրների լուծման ուղղությամբ շատ լուրջ քայլեր են արել:

«Բյուրսելում անվտանգության նիստին ներկայացրել ենք կոնկրետ քայլերը: Նրանց հիմնական շեշտադրումն այն էր, որ մենք ունենք ավիաընկերություններ, որոնք գրանցված են Հայաստանում, սակայն չվերթներ են իրականացնում Աֆրիկայի տարբեր պետություններում: Մենք սկսեցինք ուսումնասիրել  և հասկացանք, որ շատ լուրջ խնդիր է, որ մենք որպես կոմիտե որևէ ժամանակում չենք ունեցել ուղիղ կապ՝ տարբեր երկրների քաղավիացիաների հետ: 100 տոկոս անկախ ստուգումներ չենք կարողացել իրականացնել: Հաշվի առնելով, որ մենք դա չենք կարող պատշաճ անել, քայլեր ենք իրականացրել, որ ապագայում  ավիաընկերություններն այլևս չկարողանան գրանցվել Հայաստանում և չվերթներ իրականացնել Աֆրիկայում»,-ասել է Ռևազյանը:

Նա նշել է, որ լուրջ միջադեպեր են ունեցել Աֆրիկայում, կոմիտեն կոնկրետ քայլեր է իրականացրել, որ արտահերթ ստուգումներ կազմակերպեն: « Եվ դրա արդյունքում «Տարոն- Ավիա» ավիաընկերության աշխատանքն է կասեցվել, հետո փակվել: Եվ հիմա «Մարս ավիա»-ի շահագործողի վկայականն է կասեցվել, եթե վաղը չներկայացվի, որ թերությունները վերացվել են, ապա մայիսի 1-ին այս ընկերությունը կփակվի: Դա կնշանակի, որ մենք այլևս չենք ունենալու ավիաընկերություն, որը թռիչքներ է իրականացնում Աֆրիկայում: Դա շատ լուրջ քայլ է եղել մեր կողմից»,-ասել է կոմիտեի ղեկավարը: 

Նրա խոսքով՝ դա կարողացել են անել այն բանի շնորհիվ նաև, որ Հոլանդիայից ներգրավել են մասնագետի, որը տեսուչներին ուղղություն է տվել, թե ինչպիսի փոփոխություններ պետք է անել տեսչական ստուգումներում, որ բոլոր խնդիրները նկատեն: Ռևազյանը նշեց՝ այսօր արդեն իսկ տեսչական ստուգումների մակարդակը բարձրացել է, բայց դեռ երկար ճանապարհ կա անցնելու: 

Վարչապետ Նիկոլ Փաշինյանն ավելի վաղ հայտնել էր, որ հայաստանյան գրանցումով ինքնաթիռներն աֆրիկյան երկրներում ներգրավված են եղել ապօրինի գործունեության, զենքերի վաճառքի մեջ և այլն: 

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS