կարևոր
1611 դիտում, 2 տարի առաջ - 2020-04-14 13:41

Ռուսաստանում` վերջին 24 ժամում, վարակման ավելի քան 2700 դեպք է հաստատվել

Ռուսաստանում` վերջին 24 ժամում, վարակման ավելի քան 2700 դեպք է հաստատվել

Տարածաշրջանից երկու երկիր՝ Իրանն ու Թուրքիան, վարակվածության ամենաբարձր ցուցանիշ գրանցած երկրների տասնյակում են: Իրանում, պաշտոնական տվյալներով՝ մինչ այս պահը կորոնավիրուսով վարակվել է ավելի քան 73 հազար մարդ, բայց ակտիվ դեպքերը համեմատաբար քիչ են՝ գրեթե 23 հազարը:

Իսկ Թուրքիայում մոտ 61 հազար վարակվածներից մոտ 4000 են ապաքինվել: Նախագահ Ռեջեփ Էրդողանը ասել է, որ երկրում սահմանված պարետային ժամը կերկարաձգվի:

Ռուսաստանում միայն այսօր վարակման ավելի քան 2700 դեպք է հաստատվել՝ վարակվածների ընդհանուր թիվը հասցնելով 21 հազարի: Տարածաշրջանի երկրներից ամենաշատ թեստերը, ի դեպ, հենց Ռուսաստանն է արել՝ 1 մլն 400 հազար:

Վարակման մոտ 3200 դեպք է գրանցվել Բելառուսում, ավելի քան 1100-ը՝ Ադրբեջանում: Համեմատաբար բարվոք վիճակում է Վրաստանը, որտեղ 296 վարակակիրներից 68-ն ապաքինվել են: