կարևոր
1715 դիտում, 2 տարի առաջ - 2020-04-13 18:45

Խորհրդարանը 77 դեմ և14 կողմ ձայներով չընդունեց «Լուսավոր Հայաստան» խմբակցության նախագիծը

Խորհրդարանը  77 դեմ և14 կողմ ձայներով չընդունեց «Լուսավոր Հայաստան» խմբակցության նախագիծը

ՀՀ Ազգային ժողովում ավարտվեց երկրում արտակարգ դրության իրավական ռեժիմը 30 օրով երկարաձգելու հարցի քննարկումը։ Կառավարության որոշման վերաբերյալ առաջարկների նախագիծ էր ներկայացրել միայն «Լուսավոր Հայաստան» խմբակցությունը, որը չընդունվեց` 14 կողմ, 77 դեմ և 15 ձեռնպահ ձայներով։

Խմբակցությունն առաջարկել էր արտակարգ դրության օրերին թույլատրել ավտոբուսների և մետրոպոլիտենի աշխատանքը, վերաբացել նաև շինանյութի, տնտեսական, սպորտային խանութները, արհեստագործական նշանակության կետերը։ Թույլատրել միջմարզային ուղևորափոխադրումները` գյուղատնտեսական և շինարարական աշխատանքներին մասնակցելու համար։ Վերաբացել մեքենաների տեխնիկական սպասարկման կետերը, պրոթեզավորման կենտրոնները և այլն։

Հայաստանի կառավարությունն ապրիլի 14-ին կայացած արտահերթ նիստում ընդունեց hանրապետությունում 2020 թվականի մարտի 16-ին հայտարարված արտակարգ դրության ժամկետը 2020 թվականի ապրիլի 14-ից ժամը 17:00-ից` 30 օրով՝ մինչև 2020 թվականի մայիսի 14-ը ժամը 17:00-ն երկարաձգելու որոշում։ Երկրում գործում է խիստ սահմանափակումների ռեժիմ: