կարևոր
1741 դիտում, 2 տարի առաջ - 2020-04-10 21:42

Հայոց ցեղասպանության ոգեկոչման միջոցառումները Կալիֆոռնիայում առկախվել են

Հայոց ցեղասպանության ոգեկոչման միջոցառումները Կալիֆոռնիայում առկախվել են

Կորոնավիրուսի տարածման պատճառով Հայոց ցեղասպանության 105-րդ տարելիցի ոգեկոչման նախաձեռնությունները Կալիֆոռնիայում առկախվել են:

Հայոց ցեղասպանության համագաղութային մարմինը հաղորդում է, որ որոշումն ընդունվել է Լոս-Անջելեսի եւ ամբողջ աշխարհի քաղաքացիների կողքին կանգնելու նպատակով, որի լավագույն միջոցն է տեղական իշխանությունների առողջապահական հրահանգներին հետեւելը:  Շեշտվում է նաեւ, որ Հայ դատի պաշտպանության եւ Հայոց ցեղասպանության ճանաչման եւ հատուցման ուղղությամբ աշխատանքը շարունակվելու է:

Առաջիկա օրերին կհայտարարվի ոգեկոչման այլընտրանքային ծրագրերի մասին: Նախատեսված էր քայլարշավ Հոլիվուդի «Փոքրիկ Հայաստան» թաղամասում եւ բողոքի ցույց՝ Լոս-Անջելեսում Թուրքիայի հյուպատոսարանի դիմաց: Ֆրանսիայի հայկական կազմակերպությունների համակարգող խորհուրդը եւս հայտարարել է Հայոց ցեղասպանության զոհերի հիշատակը այլ կերպ ոգեկոչելու մասին: Ընդգծվել է սակայն, որ հավաքի չեղարկումը չի նշանակում, թե դադարեցնում են պայքարը Անկարայի ժխտողական քաղաքականության դեմ: Դաշնակցության Ֆրանսիայի «Նոր սերունդ» երիտասարդական միությունն էլ առաջարկել է Ցեղասպանության ոգեկոչման այլընտրանքային տարբերակ: