կարևոր
1265 դիտում, 2 տարի առաջ - 2020-04-10 15:21

Հադրութի մանկապատանեկան ստեղծագործական կենտրոնում արդեն պատրաստվել է 700 դիմակ

Հադրութի շրջանում շարունակվում են նոր տիպի կորոնավիրուսային վարակի տարածման կանխարգելմանն ուղղված միջոցառումները։ Դրանց թվում կարևոր է նաև կամավորական աշխատանքի դերը։ Այս մասին հայտնում են Արցախ տեղեկատվական շտաբից։

«Հադրութի մանկապատանեկան ստեղծագործական կենտրոնը միացել է «Որոշում» քաղաքացիական նախաձեռնություն» ՀԿ նախաձեռնած «Առողջ Արցախ» ծրագրին, որի շրջանակներում պատրաստվում են պաշտպանիչ դիմակներ։

Կամավորական ուժերով առ այս պահը պատրաստվել է թվով 700 դիմակ, որը, ըստ անհրաժեշտության, տրամադրվել է շրջանի հիմնարկ-ձեռնարկություններին, բազմազավակ և սոցիալական տարբեր խմբերում ընդգրկված ընտանիքներին:

Հավելենք, որ «Առողջ Արցախ» ծրագրի նախաձեռնողները տրամադրում են անհրաժեշտ նյութեր (կտոր, ռեզին, թել)՝ պաշտպանիչ դիմակներ պատրաստելու աշխատանքների շարունակականությունն ապահովելու նպատակով»,-նշված է հաղորդագրությունում։