կարևոր
1348 դիտում, 2 տարի առաջ - 2020-04-10 12:21

«Հայրենիք» կինոթատրոնի խաչմերուկում երթևեկությունը փորձնական կկազմակերպվի շրջանաձև

«Հայրենիք» կինոթատրոնի խաչմերուկում երթևեկությունը փորձնական կկազմակերպվի շրջանաձև

Երևան քաղաքի Արշակունյաց-Գարեգին Նժդեհ խաչմերուկում կանջատվեն լուսացույցները և երթևեկությունը փորձնական կկազմակերպվի շրջանաձև։ Այս մասին «Ֆեյսբուք»-­ի իր էջում գրել է Երևանի քաղաքապետարանի տեղեկատվության և հասարակայնության հետ կապերի վարչության պետ Հովսեփ Կուբատյանը:

«Արշակունյաց-Գարեգին Նժդեհ խաչմերուկում («Հայրենիք» կինոթատրոնի խաչմերուկ) կանջատվեն լուսացույցները և երթևեկությունը փորձնական կկազմակերպվի շրջանաձև»,- գրել է Կուբատյանը։

2018 թվականի օգոստոսի 31-­ին Երևանի քաղաքապետին կից քաղաքաշինական, բնապահպանական, հաղորդակցության և տրանսպորտի խորհրդի նիստում ներկայացվել և քննարկվել են Արշակունյաց պողոտայի և Գարեգին Նժդեհի փողոցի տրանսպորտային հանգույցի նախագծի 4 տարբերակները: Արշակունյաց պողոտայի և Գարեգին Նժդեհի փողոցի տրանսպորտային հանգույցը գործում է ծանրաբեռնված, ինչի հետևանքով օրվա որոշակի ժամերի առաջանում է դժվարանցանելիություն: Ներկայացված նախագծի բոլոր տարբերակների հիմքում անխափան երթևեկությունն ու հոսքերի բեռնաթափումն է եղել՝ միաժամանակ ապահովելով հետիոտնի անխոչընդոտ անցուդարձը: