կարևոր
1709 դիտում, 2 տարի առաջ - 2020-04-09 15:15

«Արմաթ» տեխնոհամայնքը 3D եռաչափ տպիչների միջոցով արտադրել է պաշտպանիչ դիմավահաններ՝ բուժաշխատողների համար

«Արմաթ» տեխնոհամայնքն իր ներդրումն է անում կորոնավիրուսի դեմ պայքարում՝ 3D եռաչափ տպիչների միջոցով արտադրելով պաշտպանիչ դիմավահաններ բուժաշխատողների համար: Այս մասին ֆեյսբուքյան իր էջում գրել է Կոտայքի մարզպետ Ռոմանոս Պետրոսյանը:

«Այսօր «Արմաթ» ինժեներական լաբորատորիաների տեխնիկական համայնքի ներկայացուցիչները Կոտայքի մարզպետարանին են հանձնել մեր մարզի դպրոցների «Արմաթ» լաբորատորիաներում պատրաստված պաշտպանիչ դիմավահաններ՝ մարզի բուժհաստատություններին տրամադրելու նպատակով:

Դիմավահանները ստացել են 3D եռաչափ տպիչի միջոցով՝ օրգանական նյութերից ստացված պլաստմասսայի և անօրգանական պլաստիկատի կիրառմամբ:

Շուրջ 120 պաշտպանիչ դիմավահանները մարզպետարանի կողմից կտրամադրվեն առողջության առաջնային օղակի աշխատակիցներին։

Շնորհակալ եմ «Արմաթ» ինժեներական լաբորատորիաների տեխնիկական համայնքին ( Armath Engineering Laboratories )` վստահելի գործընկեր լինելու և մշտապես մեր կողքին գտնվելու համար»,-գրել է մարզպետը: