կարևոր
1055 դիտում, 1 տարի առաջ - 2020-04-08 11:35

Ավան վարչական շրջանում ավտոմեքենան բախվել քարե շինության պատին․ կա տուժած

Ավան վարչական շրջանում ավտոմեքենան բախվել քարե շինության պատին․ կա տուժած

Ապրիլի 8-ին, ժամը 04:16-ին Ճգնաժամային կառավարման ազգային կենտրոն ահազանգ է ստացվել, որ Երևանի Ավան վարչական շրջանի ղեկավարի աշխատակազմի շենքի մոտակայքում տեղի է ունեցել ՃՏՊ. ավտոմեքենան բախվել է պատին, ծուխ է նկատվում:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Խուդյակովի փողոցի թիվ 176 շենքի մոտակայքում «Lexus IS» մակնիշի ավտոմեքենան (վարորդ` Գևորգ Դ., ծնված 1985 թ.) դուրս է եկել ճանապարհի երթևեկելի գոտուց և բախվել քարե շինության պատին: Վարորդը հոսպիտալացվել է «Հերացի» թիվ 1 համալսարանական հիվանդանոց, որտեղ բժիշկները տուժածի առողջական վիճակը գնահատել են բավարար: