Իրանում կորոնավիրուսից զոհերի թիվը հասել է 3603-ի, որից միայն 151-ը մահացել է վերջին 24 ժամվա ընթացքում։ Այս մասին հայտնում է ՌԻԱ Նովոստին մեջբերելով Իրանի առողջապահության նախարարության պաշտոնական ներկայացուցիչ Քիանուշ Ջահանփուրի խոսքերը։
«Մեկ օրվա ընթացքում կորոնավիրուսով վարակման 2483 նոր դեպք է գրանցվել ամբողջ երկրում։ Այդ տվյալները հաշվի առնելով ՝ վարակվածների թիվը հասել է 58 226-ի,ապաքինվել է 22 011 մարդ»,-ասել է Ջահանփուրը։