358 դիտում, 2020.04.04 20:05

Դանակահարություն՝ Երևանում․ ըստ բժիշկների, տուժածը ի վիճակի չէ բացատրություն տալու

Դանակահարություն՝ Երևանում․ ըստ բժիշկների, տուժածը ի վիճակի չէ բացատրություն տալու

SHAMSHYAN.com-ի տեղեկություններով, երեկ՝ ապրիլի 3-ին, դանակահարության դեպք է տեղի ունեցել Երևանում: Ժամը 14:50-ի սահմաններում, թիվ 1 համալսարանական հիվնադանոցից ոստիկանության Մարաշի բաժանմունք ահազանգ է ստացվել, որ Երևանի 1-03 շտապօգնության բժիշկների խումբը Նորք-Մարաշ վարչական շրջանի տներից մեկից արյունաքամ վիճակում իրենց մոտ է տեղափոխել մի քաղաքացու:

Ոստիկանները պարզել են, որ ժամը 12:00-ի սահմաններում, Նորք-Մարաշ վարչական շրջանների Սերո Խանզադյան փողոցում վիճաբանության ժամանակ նշված փողոցի բնակիչ, 28-ամյա Գագիկ Գեղամյանը իր մոտ եղած խոհանոցային դանակով մի քանի անգամ հարվածել է նույն փողոցի բնակիչ, 51-ամյա Արսեն Գեղամյանին՝ գլխի և որովայնի մասերում: Վերջինս, ըստ բժիշկների հայտարարությամբ, ի վիճակի չի եղել կատարվածի մասին բացատրություն տալու:

Ոստիկանության Մարաշի բաժանմունքի ծառայողները, օպերատիվ-հետախուզական միջոցառումների, այնուհետև՝ անցկացված բացատրական աշխատանքների շնորհիվ հայտնաբերում են Գ. Գեղամյանին, ով ինքնակամ ներկայացել է ոստիկանության Մարաշի բաժանմունք, որտեղ կատարվածի մասին բացատրություն տալուց հետո բաց է թողնվել: Փաստի առթիվ ոստիկանության Կենտրոնական բաժնի հետաքննչական բաժանմունքի հետաքննիչ Աբովյանի կողմից նյութեր են նախապատրաստվում:

կիսվել նյութով -