կարևոր
1343 դիտում, 2 տարի առաջ - 2020-04-03 17:18

ՀՀ կենտրոնական բանկը «Վարկս Էյ Էմ» ՓԲԸ դեմ ներկայացված դիմում-բողոքների վերաբերյալ պարզաբանում է ներկայացրել

ՀՀ կենտրոնական բանկը «Վարկս Էյ Էմ» ՓԲԸ դեմ ներկայացված դիմում-բողոքների վերաբերյալ պարզաբանում է ներկայացրել

ՀՀ կենտրոնական բանկը «Վարկս Էյ Էմ» ՓԲԸ դեմ ներկայացված բազմաթիվ դիմում-բողոքների վերաբերյալ պարզաբանում է ներկայացրել, որում ասվում է.

«Հարգելի քաղաքացիներ,

Վերջին շրջանում «Վարկս Էյ Էմ» ՓԲԸ (այսուհետ՝ Կազմակերպություն) առնչությամբ ներկայացված բազմաթիվ դիմում-բողոքների վերաբերյալ հայտնում ենք հետևյալը.

Ինչպես հայտնի է, ՀՀ կենտրոնական բանկի խորհրդի 24.03.2020թ. թիվ 13 ԾՕՀ-Ա որոշմամբ ուժը կորցրած է ճանաչվել Կազմակերպության գործունեության լիցենզիան: Նշվածի հիման վրա, ՀՀ օրենսդրությամբ սահմանված կարգով արդեն ձևավորվել է Կազմակերպության լուծարային հանձնաժողովը, որին այսուհետ կարող եք հասցեագրել Ձեր դիմում-բողոքները կամ պարզաբանել Ձեր պարտավորությունների վերաբերյալ բոլոր հարցերը:

Ցանկանում ենք տեղեկացնել, որ ՀՀ կենտրոնական բանկ ներկայացված բազմաթիվ հարցերի առնչությամբ, լուծարային հանձնաժողովը հանդես է եկել հայտարարություններով՝ անդրադառնալով քաղաքացիներին հուզող  հարցերին: Լուծարային հանձնաժողովի հայտարարությունների հետ կարող եք ծանոթանալ` այցելելով կայքի նորություններ բաժնում: