կարևոր
1120 դիտում, 2 տարի առաջ - 2020-04-03 11:12

Փրկարարները մարել են Արարատ քաղաքի բնակարաններից մեկում բռնկված հրդեհը

Փրկարարները մարել են Արարատ քաղաքի բնակարաններից մեկում բռնկված հրդեհը

Ճգնաժամային կառավարման ազգային կենտրոն ապրիլի 3-ին, ժամը 03:08-ին ահազանգ է ստացվել, որ հրդեհ է բռնկվել Արարատի մարզի Արարատ քաղաքի Խանջյան փողոցի թիվ 56 շենքի 3-րդ հարկի բնակարաններից մեկում: Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ:

Պարզվել է, որ հրդեհը բռնկվել է Խանջյան փողոցի թիվ 56 շենքի առաջին հարկի բնակարաններից մեկում:

Հրդեհը մեկուսացվել է ժամը 03:32-ին, մարվել` 03:56-ին: Այրվել են սենյակի գույքն ամբողջությամբ՝ 12 քմ, պատուհանը և սանհանգույցի դռները՝ մասնակի: