Վարակվածների շարքերում երեխաներ քիչ կան, հղիներ կան՝ նորից քիչ թվով, կան իհարկե տարեցներ և խրոնիկ հիվանդություններ ունեցող անձիք, ովքեր ռիսկի խմբում են։ Այս մասին ապրիլի 2-ին ասուլիսի ժամանակ հայտարարեց Արսեն Թորոսյանը:
«Պացիենտների մոտ 80 տոկոսը ասիմպտոմ է, չունեն սիմպտոմներ՝ ջերմություն և այլն։ Դա չի նշանակում, որ իրենք լիարժեք առողջ են և վտանգ չեն ներկայացնում ուրիշների համար։ Նրանք նույնպես պետք է մնան հսկողության տակ՝ հետագա բարդացումներից խուսափելու համար»,-նշեց նախարարը։