կարևոր
1639 դիտում, 2 տարի առաջ - 2020-04-01 13:11

Նախարարությունը կոչ է անում օգտագործված դիմակներն ու ձեռնոցները չնետել չնախատեսված վայրերում

Նախարարությունը կոչ է անում օգտագործված դիմակներն ու ձեռնոցները չնետել չնախատեսված վայրերում

Շրջակա միջավայրի նախարարությունը կոչ է անում օգտագործված բժշկական դիմակներն ու ձեռնոցները չնետել չնախատեսված վայրերում։ Այս մասին հայտնում են ՀՀ կառավարությունից։

«Հորդորում ենք զերծ մնալ շրջակա միջավայրը աղտոտելուց, քանի որ փողոցում նետված օգտագործված դիմակը կամ ձեռնոցը շրջակա միջավայրը աղտոտելուց զատ վարակի տարածման հնարավոր աղբյուրներ են։

Հիշեցնում ենք, որ օգտագործված դիմակներն ու ձեռնոցները պետք է առանձնացվեն փակ աղբամաններում՝ դրանց վրա առկա հավանական վարակի տարածումը կանխելու համար։

Եվս մեկ անգամ հորդորում ենք պահպանել համակեցության, հանրային առողջությանը միտված համապետական կանոնները, հետևել առողջապահության նախարարության խորհուրդներին և պահպանել շրջակա միջավայրը։

Մնացեք տանը և առողջ եղեք»,- ասված է հայտարարության մեջ։