216 դիտում, 2020.03.31 13:03

Ստեփանակերտի 1/5 ընտրատեղամասում ընտրություններն անցնում են բնականոն հունով. հանձնաժողովի նախագահ

Ստեփանակերտի 1/5 ընտրատեղամասում ընտրություններն անցնում են բնականոն հունով. հանձնաժողովի նախագահ

Ստեփանակերտի Վահրամ Փափազյանի անվան պետական դրամատիկական թատրոնի շենքում տեղակայված 1/5 ընտրատեղամասում ընտրություններն անցնում են բնականոն հունով: Այս մասին տեղեկացրել է 1/5 ընտրատեղամասի հանձնաժողովի նախագահ Քաջիկ Հարությունյանը:

Նրա խոսքով՝ ժամը 8:00-ին ընտրատեղամասը բացվել է, և մինչ այս պահը որևէ դիմում-բողոք չի ներկայացվել:

«Ընտրատեղամասում գրանցված է շուրջ 1360 ընտրող: Ընդհանուր առմամբ, նկատվում է զգալի ակտիվություն: Մեր քաղաքացիները հետևում են սահմանված կանոններին, պարտադիր կերպով կրում են դիմակ և ձեռնոց, սակայն պետք է նշեմ, որ հաճախակի են առաջանում կուտակումներ: Փորձում ենք հնարավորինս խուսափել կուտակումներից և կոչ ենք անում մեր ընտրողներին կատարել իրենց քաղաքացիական պարտքը՝ միաժամանակ պահպանելով անվտանգության կանոնները»,- ասել է Հարությունյանը:

Արցախում մարտի 31–ին մեկնարկել են նախագահական և խորհրդարանական համապետական ընտրությունները։

Ժամը 08:00-ի դրությամբ բացվել են կազմավորված 282 ընտրական տեղամասերը, որոնցից 1-ը գտնվում է Երևանում` Հայաստանի Հանրապետությունում Արցախի Հանրապետության մշտական ներկայացուցչության շենքում, մեկ տեղամաս էլ բացվել է Շուշիի քրեակատարողական հիմնարկում։

կիսվել նյութով -