46964 դիտում, 2020.03.31 01:11

Մահացել է Լևոն Արոնյանի կինը՝ Արիանա Կաոիլին

Մահացել է Լևոն Արոնյանի կինը՝ Արիանա Կաոիլին

Հայաստանի առաջատար գրոսմայստեր, ՖԻԴԵ-ի աշխարհի գավաթակիր Լեւոն Արոնյանի կինը՝ Արիանա Կաոիլին մահացել է։ Այս մասին գրել է Արոնյանն թվիթերյան իր էջում․ 

«Ես խոսքեր չեմ գտնում արտահայտելու իմ կնոջ ՝ Արիանայի մահվան մասին։ Նա խելացի, աշխատասեր և ուրախ մարդ էր, ով ապրեց գեղեցիկ կյանքով ..

Ես սիրում եմ քեզ. ննջիր խաղաղությամբ....»,- գրել է Արոնյանը։ 

Ավելի վաղ հաղորդվել էր, որ վթարից հետո «Աստղիկ» բժշկական կենտրոն տեղափոխված Արիանա Կաոիլին նորից վերակենդանացման բաժանմունք է տեղափոխել, քանի որ նրա թոքերի հետ կապված խնդիրներ էին առաջացել։

Արիանա Կաոիլին մարտի 14-ին վթարի էր ենթարկվել Երեւանում: Ժամը 23:50-ի սահմաններում, իր Lexus մակնիշի ավտոմեքենայով նա Սեբաստիա փողոցում բախվել էր «Երեքնուկի» կամրջի բետոնե հենասյանը:

Դրանից հետո նա մի քանի վիրահատության էր ենթարկվել։

Արիանա Կաոիլին 33 տարեկան էր։ ֆիլիպինյան ծագումով ավստրալացի շախմատիստուհի ՖԻԴԵ-ի կանանց միջազգային վարպետ էր, 2016 թվականից՝ Երևանում լույս տեսնող «Ճամփորդ» շաբաթաթերթի գլխավոր խմբագիրը։ 2017 թվականի նոյեմբերի 21-ին Կարեն Կարապետյանը նրան նշանակել էր ՀՀ վարչապետի խորհրդական` հասարակական հիմունքներով։

Լևոն Արոնյանն ու Արիանա Կաոիլին ամուսնացել էին 2017թ.։