կարևոր
1076 դիտում, 1 տարի առաջ - 2020-03-28 21:05

ՌԴ պետական սահմանի փակելը հայկական ապրանքի արտահանմանը չի խանգարելու․ Փաշինյան

ՌԴ պետական սահմանի փակելը հայկական ապրանքի արտահանմանը չի խանգարելու․ Փաշինյան

Ռուսաստանի կողմից մարտի 30-ից ժամանակավորապես պետական սահմանի փակելը հայկական ապրանքի արտահանմանը չի խանգարելու։ Այդ մասին ՌԴ կառավարության որոշումից քիչ անց ֆեյբուքյան ուղիղ եթերում հայտարարեց վարչապետ Նիկոլ Փաշինյանը։ Նա հայտնել է, որ խնդրի շուրջ հեռախոսազրույց է ունեցել ՌԴ վարչապետ Միխայիլ Միշուստինի հետ։

Հիշեցնենք, որ այսօր Կորոնավիրուսի համավարակի պատճառով Ռուսաստանի վարչապետը հրահանգել էր սահմանափակել մարդկանց, ավտոմեքենաների, գնացքների տեղաշարժը դաշնության պետական սահմանի բոլոր անցակետերում, այդ թվում՝ ռուս-բելառուսական սահմանի ցամաքային հատվածում: Բայց թե մինչեւ երբ են գործելու սահմանափակումները, փաստաթղթում չի նշվում: