կարևոր
1682 դիտում, 1 տարի առաջ - 2020-03-28 20:26

Ռուսաստանը մարտի 30-ից ժամանակավորապես փակում է պետական սահմանը

Ռուսաստանը մարտի 30-ից ժամանակավորապես փակում է պետական սահմանը

Ռուսաստանը մարտի 30-ից ժամանակավորապես փակում է պետական սահմանը: Այս մասին հաղորդում է ՏԱՍՍ-ը։

Կորոնավիրուսի համավարակի պատճառով վարչապետ Միխայիլ Միշուստինը հրահանգել է սահմանափակել մարդկանց, ավտոմեքենաների, գնացքների տեղաշարժը դաշնության պետական սահմանի բոլոր անցակետերում, այդ թվում՝ ռուս-բելառուսական սահմանի ցամաքային հատվածում: Բայց թե մինչեւ երբ են գործելու սահմանափակումները, փաստաթղթում չի նշվում:

Փաստաթղթում ոչինչ չի նշվում ԵԱՏՄ անդամ երկրների եւ նրանց քաղաքացիների մասին։ Որոշումից դատելով, խնդիրներ են ստեղծվելու Հայաստանից Ռուսաստան մեկնող հատկապես բեռնափոխադրող ուղեւորների եւ բեռնատարների համար։

Ի դեպ, այսօրվանից մինչեւ ապրիլի 5-ը Ռուսաստանում ոչ աշխատանքային օրեր են: Մարդկանց հորդորել են տնից դուրս գալ միայն ծայրահեղ անհարժեշտության դեպքում: Տեղեկացնեմ նաեւ, որ Ռուսաստանում մեկ օրվա ընթացքում կորոնավիրուսով վարակման 228 դեպք է արձանագրվել: Վերջին պաշտոնական տվյալների համաձայն՝ դաշնության 62 շրջաններում կորոնավիրուսով վարակվել է ընդհանուր առմամբ 1264 մարդ, ապաքինվել՝ 49-ը, մահացել՝ 4 հոգի: