կարևոր
1085 դիտում, 2 տարի առաջ - 2020-03-25 14:15

ՀԾԿՀ-ն ժամանակավորապես դադարեցնում է փաստաթղթերի առձեռն ընդունումը

ՀԾԿՀ-ն ժամանակավորապես դադարեցնում է փաստաթղթերի առձեռն ընդունումը

ՀՀ հանրային ծառայությունները կարգավորող hանձնաժողովը ժամանակավորապես անցնում է աշխատանքային հատուկ ռեժիմի՝ դադարեցնելով փաստաթղթերի առձեռն ընդունումը:  Հանրային ծառայությունները կարգավորող հանձնաժողովն այս մասին հայտարարություն է տարածել․

«Հաշվի առնելով Հայաստանի Հանրապետության ողջ տարածքում հանրային ծառայության իրականացման նկատմամբ կիրառվող սահմանափակումների վերաբերյալ Պարետի 24.03.2020 թվականի թիվ 15 որոշումը՝ ՀՀ հանրային ծառայությունները կարգավորող Հանձնաժողովը վիրուսի տարածման կանխարգելման նպատակով ժամանակավորապես անցնում է աշխատանքային հատուկ ռեժիմի՝ դադարեցնելով փաստաթղթերի առձեռն ընդունումը:

Տեղեկացնում եմ, որ դիմումները կարող են ուղարկվել Հանձնաժողովի պաշտոնական էլեկտրոնային փոստի [email protected] և դիմումների ներկայացման e-request.am առցանց համակարգի միջոցով:

Հանձնաժողովում գործում է 010 58 45 29  թեժ գծի հեռախոսահամարը»,- ասված է հայտարարության մեջ: