կարևոր
863 դիտում, 1 տարի առաջ - 2020-03-25 14:39

Օրենքը չպետք է խոչընդոտի լրագրողների աշխատանքին. ԵԱՀԿ-ն մտահոգություն է հայտնել

 Օրենքը չպետք է խոչընդոտի լրագրողների աշխատանքին. ԵԱՀԿ-ն մտահոգություն է հայտնել

ԵԱՀԿ մամուլի ազատության հարցերով ներկայացուցիչ Հարլեմ Դեզիրը մտահոգություն է հայտնել համավարակի հետ կապված ապատեղեկատվության դեմ պայքարի համատեքստում մարտի 23-ին Հայաստանում Քրեական եւ Վարչական իրավախախտումների վերաբերյալ օրենսգրքերում փոփոխությունների փաթեթի վերաբերյալ:

«Ես լիովին հասկանում եմ նոր օրենքի նպատակը՝ COVID-19 համաճարակի ժամանակ խուսափել խուճապից, ագրեսիայից եւ պայքարել կեղծ տեղեկությունների դեմ: Միաժամանակ, լրատվամիջոցները որոշիչ դեր են խաղում հանրությանը կարեւոր տեղեկություն տրամադրելու եւ համաճարակի վերաբերյալ կեղծ լուրերին հակազդելու հարցում: Օրենքը չպետք է խոչընդոտի լրագրողների աշխատանքին եւ համավարակի մասին հաղորդելու նրանց կարողությանը: Միայն իշխանությունների տրամադրած տեղեկության հրապարակումը շատ սահմանափակող միջոց է: Այն կսահմանափակի լրատվամիջոցների ազատությունը եւ տեղեկատվության հասանելիությունը»,-նշել է Հարլեմ Դեզիրն իր հայտարարության մեջ: