կարևոր
2637 դիտում, 2 տարի առաջ - 2020-03-24 11:53

ՃԿՊԱ-ն ստեղծել է հեռավար ուսուցման հարթակ

ՃԿՊԱ-ն ստեղծել է հեռավար ուսուցման հարթակ

Արտակարգ իրավիճակների նախարարության Ճգնաժամային կառավարման պետական ակադեմիան օնլայն հարթակ է ստեղծել, որի միջոցով կկազմակերպվեն հեռավար ուսուցման դասընթացները: Եռալեզու կայքը բազմաֆունկցիոնալ է, այն հնարավորություն է տալիս նաև ստուգել դասապրոցեսի արդյունավետությունը՝ հարցերի միջոցով: Կայքը հնարավորություն է տալիս տեսնել, թե ուսանողն ինչ ակտիվությամբ է մուտք գործել հարթակ և ինչ գործողություններ է իրականացրել: Դասացուցակում նշված են բոլոր կուրսերի պարապմունքների օրերը: Այս մասին տեղեկացնում են ԱԻՆ Տեղեկատվության և հասարակայնության հետ կապերի վարչությունից:

Կայքը ներկայացվել է կորոնավիրուսի դեմ պայքարի շրջանակում ԱԻ նախարարի հրամանով ստեղծված օպերատիվ խմբի նիստի ժամանակ: Արտակարգ իրավիճակների նախարարությունն այս հարթակի ստեղծման ուղղությամբ աշխատանքները սկսել էր դեռևս նախորդ տարվանից՝ նպատակ ունենալով նորագույն տեխնոլոգիաների կիրառման միջոցով զարգացնել ուսուցման գործընթացը: