կարևոր
1007 դիտում, 1 տարի առաջ - 2020-03-20 19:47

Լրագրողական կազմակերպությունների հայտարարությունը արտակարգ դրության ժամանակ տեղեկատվության տարածումը կարգավորելու վերաբերյալ

«Ինֆորմացիայի ազատության կենտրոն» ՀԿ նախագահ Շուշան Դոյոդոյանը ֆեսյբուքյան իր էջում տարածել է մի շարք կազմակերպությունների կողմից ստորագրված հայտարարություն։ Դրանով ՀՀ կառավարությանը եւ Պարետատանը առաջարկվում է արտակարգ դրություն հայտարարելու մասին կառավարության որոշման մի քանի դրույթներ, որոք կարգավորում են տեղեկատվության տարածումը, ենթարկել փոփոխության։ 

Հայտարարության տեքստն ամբողջությամբ ներկայացնում ենք Ձեր ուշադրությանը։ 

«Մենք ներքոստորագրյալներս, տարբեր ձեւաչափերով արտահայտել ենք մեր բացասաան կարծիքը ՀՀ-ում  Արտակարգ դրություն հայտարարելու մասին Կառավարության որոշման այն դրույթների վերաբերյալ, որոնք կարգավորում են տեղեկատվության տարածումը:

Նշված դրույթներն ուժի մեջ մտնելուց հետո արձանագրում ենք, որ դրանց  կիրառումն անարդյունավետ է, անհամաչափ, հակասում է ողջամտության սկզբունքներին եւ չի նպաստում համաճարակի պայմաններում հանրային շահերի իրացմանը:

Կոչ ենք անում ՀՀ կառավարությանը եւ Պարետատանը`

֊ անհապաղ  ուժը կորցրած ճանաչել ՀՀ-ում արտակարգ դրություն հայտարարելու մասին 2020 թ. մարտի 16-ի Կառավարության N 298–Ն որոշման 23, 24, 25 եւ 26 կետերը;

֊ մշակել տեղեկատվության տարածման ռեժիմը սահմանող նոր կարգավորում, որն այս բարդ իրավիճակում կհստակեցնի հնարավոր սահմանափակումները, կնպաստի լրատվամիջոցների կողմից մասնագիտական պատասխանատվության նորմերին հավատարմությանը եւ կապահովի պաշտոնական կառույցների եւ լրատվամիջոցների միջեւ արդյունավետ և հանրօգուտ գործընկերությունը:

Մեր պատրաստակամությունն ենք հայտնում աջակցել նման փաստաթղթի մշակման աշխատանքներին:

Երեւանի մամուլի ակումբ
Մեդիա նախաձեռոնթությունների կենտրոն
Ինֆորմացիայի ազատության կենտրոն
Հանրային լրագրության ակումբ
Խոսքի ազատության պաշտպանության կոմիտե
Ժուռնալիստների «Ասպարեզ» ակումբ
Բազմակողմանի տեղեկատվության ինստիտուտ - Հայաստան
«Լրագրողներ հանուն ապագայի» ՀԿ
«Լրագրողներ հանուն մարդու իրավունքների» ՀԿ
Գորիսի մամուլի ակումբ
«Իրավունքի գերակայություն» ՀԿ
»,- ասված է հայտարարության տեքստում։