կարևոր
1674 դիտում, 2 տարի առաջ - 2020-03-20 17:18

Երեք օրում քաղաքացին երկու անգամ վթարի է ենթարկվել․ առաջինի ժամանակ կինն էր մահացել, այս անգամ՝ աներորդին

Մարտի 20-ի՝  կեսօրին Կապանի բնակիչ 35-ամյա Վարդան Գեւորգյանի վարած Toyota Land Cruiser մակնիշի ավտոմեքենան Երեւան-Երասխ ավտոճանապարհի 27-րդ կմ-ի հատվածում դեպի մայրաքաղաք ընթանալիս դուրս է եկել ճանապարհի երթեւեկելի գոտուց, մոտ 200 մետր մի քանի պտույտ շրջվելով՝ հայտնվել դաշտում։

Մեքանայի 5 ուղեւորները շտապ տեղափոխվել են հիվանդանոց, որտեղ էլ ուղեւորներից մեկը՝ Կապանի բնակիչ Աշոտ Խաչատրյանը, գիտակցության չգալով մահացել է։

Տուժողներից մեկը՝ Ռուբեն Մովսիսյանը երեք օրվա ընթացքում 2-րդ անգամ է դառնում դժբախտ պատահարի մասնակից։ 
Առաջին վթարի ժամանակ, որը տեղի էր ունեցել Սյունիքի մարզում մարտի 17-ի լուսադեմին,  Մովսիսյանն իր մեքենայով բախվել էր միկրոավտոբուսի, ինչի հետեւանքով նրա կինը՝ Սվետլանա Խաչատրյանը, հիվանդանոց տեղափոխվելուց հետո մահացել էր։

Այսօր էլ՝ կնոջ հուղարկավորության արարողությունից հետո, Երևան վերադառնալիս է տեղի ունեցել վթարը։ Զոհվածը՝ Աշոտ Խաչատրյանը՝  Ռուբեն Մովսիսյանի աներորդին է։