կարևոր
1498 դիտում, 2 տարի առաջ - 2020-03-20 10:42

G7-ի առաջնորդների հանդիպումը ԱՄՆ-ում չի կայանա, այն կփոխարինվի տեսակապով

G7-ի առաջնորդների հանդիպումը ԱՄՆ-ում չի կայանա, այն կփոխարինվի տեսակապով

ԱՄՆ նախագահ Դոնալդ Թրամփը կչեղարկի հունիսին նախատեսված Մեծ յոթնյակի՝ G7-ի առաջնորդների հանդիպումը: Պատճառը կորոնավիրուսի տարածմամբ պայմանավորված առկա իրավիճակն է: Այս մասին տեղեկացնում է Սպիտակ տան ներկայացուցիչ Ջադ Դիրը:

«Նման որոշման նպատակն այն է, որ յուրաքանչյուր երկիր կենտրոնանա իր ունեցած ամբողջ ռեսուրսի վրա՝  կորոնավիրուսի տարածմամբ պայմանավորած առողջապահության ոլորտում առկա մարտահրավերներին դիմագրավելու համար»,-պարզաբանել է նա:

Նշվում է, որ շփումը կլինի տեսակապի միջոցով:

Առողջապահության համաշխարհային կազմակերպությունը մարտի 11-ին նոր կորոնավիրուսի պանդեմիա է հայտարարել աշխարհում: Ամբողջ աշխարհում նոր կորոնավիրուսով վարակվածների թիվն անցնում է 200 հազարը: Վարակը տարածվել է 170-ից ավելի երկրներում և տարածքներում: