կարևոր
1187 դիտում, 2 տարի առաջ - 2020-03-19 21:17

Դավթաշենի ոստիկանները բռնել են խանութից գողության փորձ կատարած անձանց

Դավթաշենի ոստիկանները բռնել են խանութից գողության փորձ կատարած անձանց

Ոստիկանները խանութից գողություն կատարելու կասկածանքով Դավթաշենի բաժանմունք բերման են ենթարկել երկու երիտասարդի։ Այս մասին հայտնում են ՀՀ ոստիկանությունից։

«Ոստիկանության տարածքային ստորաբաժանման ծառայողները հանցագործությունների նախականխման, կանխման և բացահայտման նպատակով վարչական տարածքներում պարբերաբար շրջայցեր են կատարում, ինչը իրավապահներին հաճախ հնարավորություն է տալիս հանցագործին բռնել հանցանքի վայրում:

Մարտի 18-ին Դավթաշենում, ժամը 4-ի սահմաններում օպերատիվ կառավարման կենտրոնից ոստիկանության Դավիթաշենի բաժանմունքում հաղորդում ստացվեց, որ վարչական տարածքի խանութներից մեկից կարծես գողություն են անում: Իրավապահները, նրանց բերման էին ենթարկել ոստիկանության Դավթաշենի բաժանմունք:

Բաժանմունքում պարզեցին նրանց ինքնությունը. 18-ամյա երիտասարդներից մեկը Դավիթաշենի 1-ին թաղամասի բնակիչ է, մյուսը` Միկոյան փողոցի:

Նրանք տվել են խոստովանական բացատրություն: Հանգամանքները պարզվում են: Փաստի առթիվ նախապատրաստվում են նյութեր»,- նշված է հաղորդագրությունում: