կարևոր
1664 դիտում, 2 տարի առաջ - 2020-03-19 19:26

Իտալիայում կորոնավիրուսով վարակվածների թիվը 35713 է. բուժվել է 4025 մարդ

Իտալիայում կորոնավիրուսով վարակվածների թիվը 35713 է. բուժվել է 4025 մարդ

Իտալիայում կորոնավիրուսով վարակվածների թիվը հասել է 35713-ի: Այս մասին հայտնում է Իտալիայի առողջապահության նախարարության պաշտոնական կայքը:

Նախարարությունը հայտնում է, որ վիրուսից երկրում ապաքինվել է 4025 մարդ: Այս պահի դրությամբ 14363 անձ կորոնավիրուսի ախտանիշներով գտնվում է բժշկական հաստատություններում, ևս 12090 մարդ գտնվում է տնային մեկուսացման մեջ:

Իտալիայում կորոնավիրուսի հետևանքով մահացել է 2978 քաղաքացի:

Նոր կորոնավիրուսի` CՕVID-2019-ի բռնկումը գրանցվել է 2019 թվականի դեկտեմբերի վերջին Կենտրոնական Չինաստանի ամենախտաբնակ քաղաքում՝ 12-միլիոնանոց Ուհանում: Առողջապահության համաշխարհային կազմակերպությունն այն բնութագրել է որպես պանդեմիա: Աշխարհում կորոնավիրուսով վարակման դեպքերի թիվը հատել է 229 հազարը: Հայաստանում կորոնավիրուսով վարակման դեպքերի թիվը 122 է, մեկ վարակված ապաքինվել և դուրս է գրվել հիվանդանոցից: