կարևոր
1534 դիտում, 2 տարի առաջ - 2020-03-17 20:02

«Արթիկ» ՔԿՀ-ի ծառայողները նոր տեղադրված ռենտգեն սարքով թմրամիջոց են հայտնաբերել

«Արթիկ» ՔԿՀ-ի ծառայողները նոր տեղադրված ռենտգեն սարքով թմրամիջոց են հայտնաբերել

ՀՀ արդարադատության նախարարության «Արթիկ» քրեակատարողական հիմնարկի աշխատակիցները 2020 թվականի փետրվարի 26-ին՝ ժամը 12։50-ի սահմաններում, կալանավորված անձ Հ. Հ.-ի անվամբ քաղաքացի Ա. Մ.-ի կողմից բերված հանձնուքը նոր տեղադրված ռենտգեն սարքով զննության ենթարկելիս 400 մլ տարողությամբ շամպունի 2 տարաներում հայտնաբերել են կասկածելի խտությամբ հեղուկ զանգվածներ։

Ինչպես տեղեկացնում են ՀՀ ԱՆ քրեակատարողական ծառայության հանրային կապերի բաժնից, դատաքիմիական փորձաքննության արդյունքում պարզվել է, որ վերոնշյալ շամպունի տարաներում առկա է եղել հեղուկին խառնված, առանձնապես խոշոր չափերի՝ 1,426 գրամ քաշով, մեթադոն տեսակի թմրամիջոց։