կարևոր
1599 դիտում, 2 տարի առաջ - 2020-03-17 18:29

Երևանի քաղաքապետարանը մանկապարտեզներում պահեստավորված սնունդը կտրամադրի անապահով ընտանիքներին

Երևանի քաղաքապետարանը մանկապարտեզներում պահեստավորված սնունդը կտրամադրի անապահով ընտանիքներին

Երևանի քաղաքապետարանը համայնքային մանկապարտեզներում պահեստավորված սնունդը կտրամադրի սոցիալապես անապահով ընտանիքներին։

Այս մասին տեղեկացնում է Երևանի քաղաքապետարանի «Ֆեյսբուք»-ի պաշտոնական էջը։

«Հաշվի առնելով երկրում հայտարարված արտակարգ դրությունը՝ Երևանի քաղաքապետ Հայկ Մարությանը ՀՀ փոխվարչապետ, արտակարգ դրության պարետատան պարետ Տիգրան Ավինյանի հետ քննարկել է համայնքային մանկապարտեզներում պահեստավորված սնունդը անապահով ընտանիքներին տրամադրելու հարցը: Ձեռք բերված և պահեստավորված սնունդն այսօր և վաղը կտրամադրվի վարչական շրջանների ղեկավարների աշխատակազմերին, որոնց սոցիալական ապահովության բաժինները ըստ առաջնահերթության այն կհատկացնեն սոցիալապես անապահով ընտանիքներին»,- ասված է հայտարարության մեջ: