կարևոր
673 դիտում, 1 տարի առաջ - 2020-03-17 13:23

Բժիշկների հետ աշխատանքներ ենք իրականացնում․ իրականացնելու ենք նաև թրեյնինգներ․ ԱՆ փոխնախարար Լենա Նանուշյան (ՏԵՍԱՆՅՈՒԹ)

«Բժիշկների հետ աշխատանքներ ենք իրականացնում։ Իրականացնելու ենք թրեյնինգներ որոշակի խմբի բժիշկների համար, որոնք առավել ներգրավված են ներկայումս և լինելու են հետագայում հիվանդների հայտնաբերման, բուժման և  համաճարակաբանական հսկողության ընթացքում»։
Լրագրողների հետ հանդիպմանն այս մասին հայտարարեց  Առողջապահության փոխնախարար Լենա Նանուշյանը, վստահեցնելով, որ և՛ հեռախոսազրույցներ են ունեցել, և՛ վիդեոզանգերի միջոցով մասնակցել են  քննարկումների ԵԱՏՄ երկրների հետ, ԱՀԿ-ի կողմիցի կազմակերպված քննարկումներին, խոսել են  այն երկրների դեսպանների հետ, որոնք անմիջական հետաքրքրություն էին ներկայացնում տարածաշրջանային և համաճարակային առումով։ Ըստ պաշտոնյայի՝ սերտորեն աշխատում են նաև միջազգային գործընկերների հետ։