կարևոր
1529 դիտում, 2 տարի առաջ - 2020-03-16 20:57

Պետությունը ձեռք կբերի թոքերի արհեստական օդափոխության լրացուցիչ ապարատներ

Պետությունը ձեռք կբերի թոքերի արհեստական օդափոխության լրացուցիչ ապարատներ

ՀՀ առողջապահության նախարարությունը նախատեսում է թոքերի արհեստական օդափոխության ևս 11 ապարատ ձեռք բերել։ Այս մասին ասաց ՀՀ վարչապետ Նիկոլ Փաշինյանն՝ ԱԺ արտահերթ նիստում հանրապետությունում արտակարգ դրություն հաստատելու մասին նախագծի քննարման ժամանակ՝ պատասխանելով «Իմ քայլը» խմբակցության պատգամավոր Լուսինե Բադալյանի հարցին, թե երկրում թոքերի արհեստական օդափոխության քա՞նի ապարատ կա և արդյոք դրանք բավարար են։

«Երկրում այս պահին կա 360 ապարատ, 11 հատ ձեռք ենք բերում, Նորքի ինֆեկցիոն հիվանդանոցում պատրաստած կա 15 հատ։ Այս գործընթացը կլինի շարունակական։ Երկրում ճգնաժամ չի, չի ստեղծվել այնպիսի իրավիճակ, որ մենք այդ սարքերի կարիքն ունենանք։ 30 կորոնավիրուսով ախտորոշված դեպքից ունենք ընդամենը 2 հոգի, ովքեր թոքաբորբ են տանում, և նրանցից մեկը գտնվում է ռիսկային խմբում»,- նշեց Փաշինյանը։

Նրա խոսքով՝ մինչ այս պահը չի եղել և հիմա էլ Հայաստանի Հանրապետությունում չկա թոքերի արհեստական օդափոխության ապարատի խնդիր։