Հանրապետությունում կա պարենի բավարար պաշար. Փաշինյան

ՀՀ վարչապետ Նիկոլ Փաշինյանը վստահեցնում է, որ հանրապետությունում առկա է պարենի բավարար չափաքանակ։ Այս մասին Փաշինյանն ասաց ԱԺ արտահերթ նիստում՝ Հանրապետությունում արտակարգ դրություն հաստատելու մասին նախագծի քննարման ժամանակ։

«Այս պահին արտահանման հետ կապված էլ խնդիրներ չունենք, պարենային դեֆիցիտ առնվազն մեկ ամսվա ընթացքում չի առաջանա։ Մյուս ապրանքատեսակների ներկրումներն իրականացվում են բավարար քանակությամբ։ Պարետատունն ու պարետը համապատասխան որոշումներ կայացնելու լիազորություններ ունի ապրանքատեսակների ներկրումը ՀՀ ապահովելու, ինչպես նաև որոշ ապրանքատեսակների արտահանումն արգելելու կամ սահմանափակելու համար։ Այդ ամենը կապված է հիմնականում առողջապահական նշանակության ապրանքների հետ»,- նշեց ՀՀ վարչապետը։