կարևոր
1721 դիտում, 2 տարի առաջ - 2020-03-15 15:45

Կորոնավիրուսի պատճառով Ղազախստանում արտակարգ դրություն է հայտարարվել

Կորոնավիրուսի պատճառով Ղազախստանում արտակարգ դրություն է հայտարարվել

Ղազախստանի նախագահ Կասիմ Ժոմարտ Տոկաևը հրամանագիր է ստորագրել, որով մարտի 16-ից ամբողջ հանրապետության տարածքում արտակարգ դրություն կհայտարարվի՝ կորոնավիրուսի տարածման պատճառով: Այս մասին հաղորդում է «Ռիա Նովոստի» լրատվականը։

Ղազախստանի առողջապահության նախարարությունը հայտնել է երկրում  վարակվածության 8 դեպքի մասին:

«Առողջապահության համաշխարհային կազմակերպության կողմից նոր կորոնավիրուսը համաճարակ ճանաչելու հետ կապված քաղաքացիների կյանքն ու առողջությունը պահպանելու համար համաձայն Ղազախստանի հանրապետության օրենսդրությանը, Ղազախստանի հանրապետության ամբողջ տարածքում հայտարարել արտակարգ դրություն 2020թ. մարտի 16-ի մինչև 2020թ. ապրիլի 15-ը»,-ասված է հրամանագրի տեքստում:

Հիշեցնենք, որ Հայաստանում մինչ այս պահը հաստատվել է վարակի 23 դեպք։