Մի շարք ավիաընկերություններ չեղարկել են չվերթները դեպի Երևան

«Զվարթնոց» միջազգային օդանավակայանի հանրային կապերի պատասխանատուի պարտականությունները կատարող Սաթենիկ Հովհաննիսյանը ֆեյսբուքյան իր էջում չեղարկված չվերթների մասին գրառում է կատարել .

«Որոշ ավիաընկերություններ կոմերցիոն նկատառումներից ելնելով` չեղարել են կամ նախատեսում են չեղարկել որոշ չվերթեր։ Մասնավորապես, «Արմենիա» ավիաընկերությունը չեղարկել է Երևան-Լիոն-Երևան և Երևան-Թել Ավիվ-Երևան երթուղիներով չվերթերը, իսկ Ryanair ավիաընկերությունը՝ Միլան և Հռոմ չվերթները։

Qatar Airways, Fly Dubai, Belavia, Pegas Fly ավիաընկերությունները չվացուցակում իրականացրել են ճշգրտումներ, չեղարկելու են որոշ չվերթներ»,- գրել է Հովհաննիսյանը: