կարևոր
1402 դիտում, 2 տարի առաջ - 2020-03-14 10:21

Թուրքմենստանի նախագահ Բերդիմուհամեդովն առաջարկել է վիրուսի դեմ պայքարել բույսի ծուխով

Թուրքմենստանի նախագահ Բերդիմուհամեդովն առաջարկել է վիրուսի դեմ պայքարել բույսի ծուխով

Թուրքմենստանի նախագահ Գուրբանգուլի Բերդիմուհամեդովը կառավարության նիստի ժամանակ քաղաքացիներին առաջարկել է վիրուսներից պաշտպանվել ժողովրդական միջոցով՝ հարմալ բույսի ծուխով (Peganum harmala), հաղորդում է «ՌԻԱ Նովոստին»։

Երկրի ղեկավարը մանրամասնել է, որ թուրքմենների նախնիները վարակիչ հիվանդությունները կանխարգելող մեթոդներ են ստեղծել, որոնց էֆեկտիվությունն ապացուցվել է:

«Մեր իմաստուն նախնիները հաստատուն կերպով հետևել են ավանդույթներին. հարմալ բույսի ծխահարումը՝ կարևոր իրադարձությունների ժամանակ, կլինեին նավակատիք, հարսանիք, ինչպես նաև տարվա որոշակի ժամանակներ, երբ առաջանում էին վարակիչ հիվանդությունները»,- ասել է Բերդիմուհամեդովը:

Նրա խոսքով՝ այդ բույսի ծուխը խոչընդոտում է մարդու օրգանիզմ տարբեր վարակների ներթափանցմանը:

Այս պահի դրությամբ Թուրքմենստանում նոր տիպի կորոնավիրուսով վարակման որևէ դեպք չի գրանցվել: