կարևոր
948 դիտում, 1 տարի առաջ - 2020-03-13 15:14

Նոր Կորոնավիրուսի տարածման վտանգով պայմանավորված ֆուտբոլային մի շարք հանդիպումներ հետաձգվել են

Նոր Կորոնավիրուսի տարածման վտանգով պայմանավորված ֆուտբոլային մի շարք հանդիպումներ հետաձգվել են

Նոր Կորոնավիրուսի տարածման վտանգով պայմանավորված՝  հետաձգվել են ՈՒԵՖԱ-ի հովանու ներքո անցկացվող բոլոր մրցաշարերը: Այս մասին գրում է BBC Sport-ը:

Անորոշ ժամանակով հետաձգվել են նաեւ՝ Չեմպիոնների լիգայի և Եվրոպայի լիգայի խաղերը: Չեն կայանալու Ֆրանսիայի, ինչպես նաև Իսպանիայի առաջնության մրցաշարերը: 

 Ի դեպ միջազգային մամուլը հաղորդում է, որ Իսպանիայի առաջնության՝ Լա Լիգայի չվերսկսվելու դեպքում՝ ակումբները միլիոնավոր եվրոների կորուստ կկրեն : 
Թիմերի վնասը կհասնի  678 միլիոն եվրոյի: Խաղերը՝ առանց ֆուտբոլասերների անցկացնելու դեպքում, կորուստը կկազմի 117 միլիոն եվրո: 

 Հիշեցնենք, որ Առողջապահության համաշխարհային կազմակերպությունը՝ նոր կորոնավիրուսն արդեն որակել է որպես համաճարակ՝ բազմաթիվ օջախներով: