կարևոր
1530 դիտում, 2 տարի առաջ - 2020-03-13 13:28

Էրդողանը կորոնավիրուսի տարածման պատճառով հետաձգել է բոլոր արտասահմանյան այցերը

Էրդողանը կորոնավիրուսի տարածման պատճառով հետաձգել է բոլոր արտասահմանյան այցերը

Թուրքիայի նախագահ Ռեջեփ Թայիփ Էրդողանը կորոնավիրուսի տարածման պատճառով չեղարկել է բոլոր արտասահմանյան այցերը: Այս մասին տեղեկացնում է «Hurriyet» պարբերականը:

Թուրք ղեկավարի մամուլի խոսնակ Իբրահիմ Քալընի խոսքով՝ իշխանությունները որոշել են նաև մեկ շաբաթով փակել տարրական և միջնակարգ դպրոցները, երեք շաբաթով էլ` համալսարանները:

Նշենք, նաև որ Թուրքիայի նախագահի որոշմամբ պաշտոնապես դադարեցվում են բոլոր պետական ծառայողների ցանկացած տեսակի այցերն արտերկիր, գրում է «Resmi gazete» պարբերականը:

Հիշեցնենք, որ մարտի 13-ի դրությամբ Թուրքիայում գրանցվել է կորոնավիրուսի վարակման 2 դեպք: Ամբողջ աշխարհում կորոնավիրուսով վարակվածների ընդհանուր թիվը հասել է 131 621-ի, մահվան դեպքերի քանակը 4940 է, առողջացել է ավելի քան 68 500 մարդ: