կարևոր
1974 դիտում, 1 տարի առաջ - 2020-03-11 16:05

Գյումրիում հուղարկավորեցին բռնության զոհ դարձած կնոջը. ովքե՞ր էին ներկա (ՏԵՍԱՆՅՈՒԹ)

28-ամյա տղամարդու կողմից ծեծվելով՝ իր տան մեջ սպանված 42-ամյա կինը հուղարկավորվեց: Ազգականներից թաղման արարողությանը չեն մասնակցել: Այս մասին yerkirmedia.am-ին հայտնեցին  Գյումրիի Ցայգ ՀԸ  մեր գործընկերները։ 

Հուղարկավությունը կազմակերպվել է Գյումրու համայնքապետարանի կողմից: Կնոջը հուղարկավորել են Շիրակ գերեզմանատանը՝ իր հոր ու մոր կողքին, եկեղեցական կարգով։ Կնոջ որդին, թեեւ վերադարձել էր Ռուսաստանի Դաշնությունից, սակայն վերջինս հրաժարվել է արարողությանը մասնակցելուց:

Հիշեցնենք, որ դեպքը կատարվել էր օրեր առաջ Գյումրիում: Մայր ու դուստր բռնության զոհ էին դարձել: Իսկ «Բռնության մասին» օրենքը, որն ընդունվել է 2017 թվականին, իր ամբողջ ծավալով չի գործում, ինչն էլ պատճառ է դառնում ընտանեկան բռնության թվի աճի: