կարևոր
1152 դիտում, 1 տարի առաջ - 2020-03-11 13:05

Մեխիկոյում մեկ մարդ է զոհվել, եւս 41-ը՝ վիրավորվել մետրոյի երկու գնացքների բախման հետեւանքով

Մեխիկոյում մեկ մարդ է զոհվել, եւս 41-ը՝ վիրավորվել մետրոյի երկու գնացքների բախման հետեւանքով

Մեքսիկայի մայրաքաղաք Մեխիկոյի մետրոյում առնվազն մեկ մարդ Է զոհվել, եւս 41-ը՝ վերքեր ստացել երկու գնացքների բախման հետեւանքով: Այդ մասին Twitter-ում հայտնել Է Մեխիկոյի կառավարության ղեկավար Կլաուդիա Շեինբաումը, հաղորդում է «ՌԻԱ Նովոստին»:

«Ինձ հայտնեցին մետրոյի «Տակուբայա» կայարանում երկու շարժակազմերի բախման մասին: Հրշեջները հաղորդում են 41 տուժածի եւ մեկ զոհվածի մասին: Ես ուղեւորվում եմ պատահարի վայր»,-գրել Է Շեինբաումը:

Միջադեպը տեղի է ունեցել տեղական ժամանակով երեքշաբթի ժամը 23:30-ին (Երեւանի ժամանակով մարտի 11-ին 09:30-ին): Տուժածները հոսպիտալացվել են: Նրանց թվում են շարժակազմերի երկու մեքենավարներ: