կարևոր
1929 դիտում, 2 տարի առաջ - 2020-03-11 11:56

Կորոնավիրուսով վարակված քաղաքացին և կարանտինի մեջ գտնվողները կանցնեն կրկնակի տեստավորում

Կորոնավիրուսով վարակված քաղաքացին և կարանտինի մեջ գտնվողները կանցնեն կրկնակի տեստավորում

Կոտայքի մարզի Ծաղկաձոր քաղաքի «Գոլդեն Փելես» հյուրանոցում կարանտինի մեջ գտնվող քաղաքացիների առողջական վիճակը լավ է, գանգատներ չունեն: Այս մասին «Արմենպրես»-ի հարցմանն ի պատասխան նշել է ՀՀ առողջապահության նախարարի մամուլի քարտուղար Ալինա Նիկողոսյանը:

«Ջերմություն չունեն և այս ընթացքում էլ չեն ունեցել: Իրենց լավ են զգում: Կորոնավիրուսով վարակված  քաղաքացին նույնպես իրեն լավ է զգում, ջերմություն ունեցել է միայն սկզբում, ներկայում խնդիրներ չկան, հետևաբար բուժում էլ չի ստանում: Նախատեսվում է իրականացնել կրկնակի տեստավորում: Այսինքն, տեստավորման բացասական պատասխանի դեպքում ևս մեկը կարվի: Եթե բոլորի մոտ տեստավորման արդյունքները բացասական լինեն, ապա և՛ կարանտինում գտնվողները, և՛  վարակակիրը դուրս կգրվեն»,-ասել է Նիկողոսյանը: